Marami sa mga drivers ng TNVS ang wala nang babalikang hanapbuhay.
Ayon kay Jun De Leon, national president ng Laban TNVS, may mga kasamahan sila na nahatak na ang sasakyan dahil hindi makabayad ng amortization.
Sa ngayon anya ay nasa mahigit 30,000 pang drivers ng tnvs ang hindi pa bumibiyahe.
Sa mahigit kasi anyang 50,000 drivers ng TNVS, nasa 19,000 pa lamang ang pinapayagan ng LTFRB na makapagbiyahe.
Nagpahayag ng pagtataka si De Leon kung paano pinili ng LTFRB ang mga nasa listahan nila ng puwede nang bumiyahe.
