Tiniyak ng mga manufacturers na sapat ang suplay ng mga bilihin kahit mapalawig pang muli ang enhanced community quarantine.
Ayon kay Philippine Association of Meat Processors Vice President Jerome Ong, tuloy-tuloy pa rin ang produksyon ng mga karneng de lata.
Dagdag ni Ong, may ilang buwang ang imbentaryo rin ng mga de latang sardinas kaya sapat din ang suplay nito kahit magkaroon muli ng ECQ extension.
Sinabi ni Ong na kakayanin nilang makapagpatuloy sa produksyon basta mananatili lamang ang ipinatutupad na mga restrictions sa ilalim ng ECQ at hindi na higpitan pa ito.
