Binigyang diin ni Health Undersecretary Maria Rosario Vergeire na walang bibilhin ang pamahalaan na bakuna kontra COVID-19 na bagsak o mababa ang efficacy rate at hindi ligtas para sa mga Pilipino.
Ginawa ni Usec. Vergeire ang pahayag matapos na marami ang kumwestyun sa pagiging epektibo ng Sinovac dahil sa pabago-bago nitong efficacy rate sa ibang bansa.
Sa Laging Handa briefing inihayag ng DOH official, na kaya nga gumagamit ang mga health expert ng bansa ng mga processes of regulation para matiyak sa publiko na ang tanging aangkating COVID vaccine ng Pilipinas ay ligtas at mabisa.
Samantala una nang sinabi ni Vaccine Czar Sec. Carlito Galvez na posibleng tatlong klase ng COVID-19 vaccine ang mauunang makarating sa bansa sa first quarter ng 2021, at ito ay ang Pfizer, Sinovac at AstraZeneca.