Nanindigan si Senador Manny Pacquiao na hindi siya aatras sa pagtakbo sa pagkapangulo.
Tiniyak ito ni Pacquiao sa gitna ng mga espekulasyon matapos ang pakikipagpulong niya kay Pangulong Rodrigo Duterte noong Martes ng gabi.
Ayon sa senador, hindi siya trapong mag-isip at aniya’y common friends nila ng Pangulo ang nag-ayos ng naturang meeting.
Hindi rin aniya ito political meeting kundi isang pagkakataon para pag-usapan ang kanilang layunin para sa Mindanao.
Matatandaang nagkairingan sina Pacquiao at Pangulong Duterte dahil sa isyu ng korapsyon sa gobyerno.—mula sa ulat ni Cely Bueno sa panulat ni Hya Ludivico
