Itinanggi ni senator Manny Pacquiao ang mga ulat na aatras na siya sa 2022 presidential elections upang suportahan ang isa sa mga kapwa kandidato.
Ito’y makaraang kumalat sa social media ang mga ulat na maaari siyang mag-back-out sa presidential race dahil sa numinipis na campaign funds at dalawang kandidato ang makikinabang sa kanyang posibleng endorsement.
Nanindigan ang pambansang kamao na walang makapipigil sa kanya sa pagtakbo sa pagka-pangulo, maliban sa panginoon.
Iginiit ng dating world boxing champion na maaaring ang mga kalaban na lamang ang umatras at samahan siya sa kanyang magandang adbokasiya, lalo’t hindi siya umaatras sa anumang laban, sa loob o labas man ito ng ring.
Una nang inamin ng promdi standard-bearer na numinipis na ang kanyang campaign funds.
