Itinanggi ng Manila Water na humirit sila ng 780% na dagdag singil sa tubig.
Nilinaw ng Manila Water na ang sinasabing 780% ay hindi increase bagkus ay kanilang gagastusin sa sandaling matapos ang pagpapatayo ng wastewater facilities.
Iginiit ng kumpanya na hindi nila ipapasa ang kanilang gagastusin sa naturang proyekto sa mga consumer.
Nakatakdang sundin ng Manila Water ang Supreme Court mandamus na tapusin ang lahat ng mga proyekto sa wastewater hanggang sa taong 2037.
