Bukas na muli sa publiko ngayong araw ang Manila North at South cemeteries.
Sa anunsyo ng Manila Public Information Office, maaaring bumisita sa nasabing mga sementeryo mula ala-5:00 ng umaga hanggang ala-5:00 ng hapon.
Matatandaang isinara sa publiko ang MNC at MSC kasunod ng pananalasa ng Bagyong Paeng.
Samantala, tiniyak naman ng pamunuan ng Manila North Cemetery na handa sila sa pagbuhos ng mga bisita sa Nobyembre 1.
