Inako ni dating Pangulo at ngayo’y Manila Mayor Joseph Estrada ang pagkakamali sa paraan ng kanilang gimik sa paglilinis sa Manila Bay.
Ito ay kung saan nagtrending ang video ng pagtatapon ng basura ng isang staff ng Manila City Hall sa Manila Bay na siya namang lilinisin ng alkalde habang nagpapakuha ng larawan.
Aminado si Estrada na hindi angkop ang naturang gimik.
Pero ikinalulungkot naman nito na naging negatibo na aniya ang pagsisikap nilang malinis ang Manila Bay.
Sa huli, humingi naman ng paumanhin sa publiko si Estrada at nangako itong isusulong ang agresibong paglilinis ng Manila Bay.
- Ralph Obina
