Pinag-aaralan na ng Department Of Health (DOH) kung isasama o hindi sa mga bansang pinatawan ng travel restrictions ang Malaysia at Thailand.
Ito’y ayon kay Health Secretary Francisco Duque III ay dahil sa tila hindi maawat na paglobo ng bilang ng mga kaso ng Delta Variant ng COVID-19 sa mga nabanggit na bansa.
Dahil dito, sinabi ng kalihim na mahigpit nilang tinututukan ang sitwasyon ng COVID-19 outbreak habang hinihintay ang rekumendasyon mula sa Inter-Agency Task Force (IATF).
Nabatid na 98 bansa na sa buong mundo ang apektado ng Delta Variant na unang nakita sa India noong Disyembre ng nakalipas na taon. —ulat mula kay Aya Yupangco (Patrol 5)
