Suportado ng malalaking pamilya sa Sultan Kudarat Province at Maguindanao Province ang tambalan nina presidential aspirant Ferdinand ‘Bongbong’ Marcos Jr., at Davao City Mayor at vice presidential aspirant Sara Duterte.
Kabilang sa mga dumalo sa pagdiriwang ng 5th Kudaraten Festival at nagpahayag ng suporta sa BBM Sara-Uniteam sina Maguindanao Governor Mariam Mangudadatu, Sultan Kudarat Governor Suharto ‘Teng’ Mangudadatu, Maguindanao Vice Governor Lester Sinsuat, member of parliament Datu Tucao Mastura, Sultan Kudarat Municipal Mayor Datu Shameem Mastura, Talayan Mayor Datu Ali Midtimbang at ilang mga kasalukuyan at tatakbong mga opisyal sa dalawang lalawigan.
Dumalo rin sa pagtitipon sina Davao City Mayor Sebastian ‘Baste’ Duterte na humalili sa kanyang kapatid na si sara, Ilocos Sur Narvacan Mayor at L-M-P President Chavit Singson, dating presidential spokesperson at senatorial aspirant Harry Roque, at mga kinatawan ng Tingog Partylist.
Tiwala si Sultan Kudarat Governor Suharto ‘Teng’ Mangudadatu, na matutugunan ng uniteam ang mga magagandang proyekto sa probinsya at mas mapapaigting ng dalawa ang pagkakaisa at kapayapaan sa rehiyon.
Ibinahagi naman ni member of parliament Datu Tucao Mastura ang kanyang naging karanasan kay dating pangulong Ferdinand Marcos Sr. na nagtiwala sa kanya na pamunuan ang Sultan Kuldarat matapos tumiwalag sa pagiging rebelde at magbalik-loob sa pamahalan para sa kapayapan ng bansa.
Ikinatuwa naman ni Marcos ang pakikipag-isa ng tinatawag na family alliance ng probinsya ng Sultan Kudarat at Maguindanao sa panawagan ng BBM-Sara Uniteam.
Ito aniya ay pagkakaisa para sama-samang pagbangon ng bansa at pagbubukas ng pantay-pantay at maraming oportunidad sa bawat rehiyon.
“itong ating kilusan ng pagkakaisa ay nasimulan ninyo na rito, with the family alliance that has been formed, this is showing that here in Sultan Kudarat [municipality], in the province of maguindAnao, the province of Sultan Kudarat, you have begun to understand the importance of unity. You have begun to understand that alliances are what make us strong and unity is the way forward, then that is when we can see the opportunities that will arise,” pahayag ni Marcos.
