Nagluklok ang Malakanyang ng officer-in-charge chairperson at chief executive officer ng Energy Regulatory Commission o ERC sa katauhan ni Atty. Jesse Hermogenes Andres.
Ito’y base memorandum na pirmado ni Executive Secretary Lucas Bersamin na may petsang September 20, 2024.
Ginawa ng Palasyo ang hakbang matapos patawan ng Office of the Ombudsman ng anim na buwan na preventive suspension ang pinuno ng ahensya na si Atty. Monalisa Dimalanta.
Binanggit sa memo ni Bersamin na awtorisado si Andres na makakuha ng representation & transportation allowance, extraordinary at miscellaneous expenses.
Nabatid na si Andres ay dating undersecretary ng Department of Justice o DOJ habang humawak din ito ng directorial positions sa iba’t ibang korporasyon.
