Humingi ng paumanhin ang Malakanyang sa publiko dahil sa naranasang matinding trapiko sa EDSA at iba pang bahagi ng Metro Manila bunsod ng katatapos na 31st ASEAN Summit.
Ayon kay Presidential Spokesman Secretary Harry Roque, naging kapalit naman nito ang paghanga ng buong daigdig sa kakayahan ng Pilipinas na mamuno sa isang international event.
Dagdag pa ni Roque, mayroong mabuting epekto ang mga ginanap na pagpulong sa aspeto ng ekonomiya at kalakalan, kung saan karamihan sa mga Pilipino ang makikinabang dito.
Sa huli, pinabulaanan ni Roque ang akusasyon ng oposisyon na nauwi lamang sa pageantry ang nasabing pagtitipon.
