Ipinag-utos ng Malakanyang ang paglalagay sa half-mast ng lahat ng watawat ng Pilipinas sa mga tanggapan at ahensiya ng pamahalaan simula ngayong Martes.
Tatagal ang nasabing direktiba ng halos isang linggo.
Ito ay bilang tandang pakikisimpatiya sa mga nasawing sundalo at sibilyan sa gitna ng nagpapatuloy na bakbakan sa Marawi City.
Inilagay na rin sa half-mast ang bandila sa lahat ng kampo ng militar sa buong bansa matapos ang isinagawang pagpupugay at pag-alala sa mga nasawing sundalo sa ‘Araw ng Kalayaan’.
By Krista De Dios
