Tiwala ang Malacañang na maibabalik ni Commission on Elections o COMELEC Chairman Sheriff Abas ang integridad ng ahensya.
Ito’y matapos makalusot sa makapangyarihang Commission on Appointments si Abas.
Ayon kay Presidential Spokesman Harry Roque, naniniwala sila na maayos na magagampanan ni Abas ang kaniyang tungkulin na may kasamang integridad, kahusayan at abilidad.
Pinalitan ni Abas si dating COMELEC Chairman Andy Bautista matapos sampahan ng kaso ng kaniyang asawang si Patricia ng libel, perjury at damage suits dahil sa hindi pagsuporta sa kaniya.
Naharap din sa Bautista sa impeachment complaint sa Kamara dahil umano sa hindi deklaradong yaman.
—-
