Naglaan ang Makati City Government ng mahigit P158,655,500 para sa year-end cash incentives ng 83,857 senior citizens sa lungsod.
Ayon kay Makati City Mayor Abby Binay, maagang matatanggap ng Blu Card holders ang kanilang year-end cash grants upang makaiwas na rin ang mga ito sa holiday rush.
Makukuha ng mga senior citizens ang kanilang cash incentives sa pamamagitan ng GCash kung saan nakadepende sa age bracket ang kanilang matatanggap na halaga.
Ang mga edad 60 hanggang 69 na taong gulang ay makakakuha ng P1,500; P2,000 para sa mga 70 hanggang 79 na taong gulang;
P2,500 naman para sa 80 hanggang 89 na taong gulang at P5,000 naman para sa mga edad 90 hanggang 99 na taong gulang.
Sa ilalim ng Expanded Benefits Program para sa mga senior citizens, ang Blu Card holders ay nakakakuha ng cash gifts tuwing Hulyo at Disyembre.
