Magkakaloob ng libreng sakay ang lokal na pamahalaan ng Pasay City sa susunod na buwan.
Ilalarga ito simula sa Huwebes, December 1 hanggang December 30 mula alas-2 ng hapon hanggang alas-6 ng gabi.
Sinabi ni Pasay City Mayor Emi Calixto na layon nito na makatulong sa mga mamamayan para makatipid sa pamasahe at pasasalamat na rin para sa ika-159 na anibersaryo ng lungsod.
Mag-iikot ang limang e-trikes mula sa Pasay City Hall patungong MRT Taft Station-SM Mall of Asia at LRT Libertad Station pabalik ng City Hall.
Ayon pa sa Alkalde, pagsapit ng December 6 ay madaragdagan pa ang mga rutang madadaanan ng libreng sakay.
Samantala, idineklara naman ang December 2, araw ng Biyernes, bilang Special Non-Working Holiday sa lungsod upang bigyang-daan ang ika-159 na anibersaryo nito.
