Posibleng maging malaking hamon ang pagkakaroon ng pera ngayong bagong taong 2021.
Ito’y ayon sa isang Feng Shui expert na si Master Hanz Cua, dahil sa kawalan aniya ng ‘fire element’ ngayong year of the metal ox.
Dagdag pa ni Cua, bukod sa pinansyal na aspeto, tila mahirap din aniya ang ihip ng taong ito sa iba’t-ibang oportunidad.
Kasunod nito, payo ni Master Hanz Cua, para makontra ang umano’y malas na dala ng taong ito, kinakailangang magsuot ng mga damit na kulay pula, pink, orange o kaya’y kulay dilaw.
