Umakayat na sa 4,295 na mga paaralan sa bansa ang nag-bukas ng limited face-to-face classes.
Ayon kay Education Sec. Leonor Briones, umaasa pa sila na mas dadami pa ang mga paaralan na lalahok sa face-to-face classes lalo na at nasa ilalim na ng alert level 1 ang Metro Manila at 38 pang mga lugar sa bansa.
Nabatid na sa ngayon 6,213 na mga paaralan sa bansa ang handa na para sa progressive expansion ng face-to-face classes.
Gayunpaman, kinakailangan na makatugon sa ilang kondisyong inilatag ng kagawaran ng department of health (DOH) kabilang na ang pagpayag ng mga Local Government Units (LGUs), mga magulang, pagsunod sa panuntunan ng doh at kahandaan ng mga pasilidad ng mga paaralan.
Samantala, kahit pa mas maraming paaralan ang nagbukas ng face-to-face classes, mananatili sa ngayon ang option na mag-online class ang mga bata. – sa panulat ni Mara Valle
