Umabot sa 206 na mga Pilipino ang nailigtas mula sa scam farms at rebel groups sa Myanmar.
Ayon kay Foreign Affairs Undersecretary Eduardo De Vega, nakatakdang dumating sa bansa ang mga nasabing biktima simula ngayong araw.
Ang mga uuwing Pinoy anya ay bahagi ng libo-libong foreign workers sa Myanmar na puwersahang pinagtrabaho sa scam farms.
Giit pa ng opisyal ang ilan sa mga biktima ay sinasabing dinukot ng mga armadong grupo na nakikipaglaban sa gobyerno.
Tiniyak naman ni Usec. De Vega na mayroong mga matatanggap na tulong mula sa iba’t ibang ahensa ng pamahalaan ang mga Pilipinong biktima. —sa panulat ni Kat Gonzales
