Ipinagpaliban ng Department of Education (DepEd) ang pagho-Host sa 12th ASEAN School Games na nakatakda sana ngayong November 2022.
Dahil ito sa bahagyang pagtaas ng kaso ng COVID-19 at nagpapatuloy na epekto ng pandemya sa ekonomiya ng bansa.
Sa DepEd memorandum number 71 na nilagdaan ni Education Usec. at Chief of Staff Epimaco Densing, inanunsiyo ang pagpapaliban sa palaro na nilahukan ng ASEAN School Sports Council Member-Countries.
Samantala, binawi rin ng National Executive Committee at ng iba’t ibang Technical Working Committees ang hosting ng 12th ASEAN Schools Games.
Wala pa namang pinal na petsa kung kailan muli gagawin ang palaro.