Mahigit dalawandaang (200) estudyante ng Moro at Lumad ang nag-protesta sa harap ng DepEd o Department of Education para tutulan ang anila’y militarisasyon sa Mindanao.
Sinabi ni Rico Bunanay, tagapagsalita ng grupong Salinlahi na kinukundena nila ang tila pagbibingi-bingihan ni Education Secretary Leonor Birones sa mga insidente ng pag-atake sa mga paaralan ng mga Lumad.
Ayon sa report, halos 90 paaralan sa Mindanao ang apektado ng giyera kabilang na ang pananakot sa mga guro at pagbansag sa ilang eskuwelahan bilang paaralan ng NPA o New People’s Army.