Aabot sa mahigit 1k Person Deprived of Liberty (PDL) sa Male dormitory sa Manila City Jail ang tinamaan ng Pulmonary Tuberculosis.
Ayon kay BJMP National Capital Region (NCR) Spokesperson Midzfar Omar, kasalukuyang naka-isolate o nakahiwalay sa kani-kanilang mga pasilidad ang mga nagkaimpeksiyon habang nasa 200 pa ang naghihintay pa rin ng resulta sa kanilang confirmatory test.
Sinabi ni Omar na base sa datos, nasa 5k PDLs ang nasa male dormitory ng Manila City Jail.
Matatandaang una nang inihayag ng BJMP-NCR na mahigit 100 mga bilanggo ang hinihinala na mayroon ding Tuberculosis sa Pasay City Jail. —sa panulat ni Angelica Doctolero
