Umabot sa 16,375 na mga mag-aaral ang nakatanggap ng 20% discount sa pamasahe sa Metro Rail Transit-3 (MRT-3).
Naitala ito mula Agosto 22 hanggang Setyembre 29.
Sa nasabing bilang, 3,509 na mga estudyante ang nakinabang sa naturang diskwento sa buwan ng Agosto habang 12,866 naman sa buwan ng Setyembre.
Maaaring ma-avail ng mga mag-aaral ang nasabing discount sa MRT-3 mula Lunes hanggang Linggo, sa buong oras ng mga operasyon ng tren.
Kinakailangan lamang na magprisinta ng valid student ID o orihinal na kopya ng enrollment o registration form sa pagbili ng single journey ticket sa ticketing booth.
