Patuloy ang pagtaas ng mga naitatalang bagong kaso ng COVID-19 sa hanay ng Philippine National Police o PNP kahit pa tumataas na ang vaccination turnout dito.
Batay sa pinakahuling datos ng PNP Health Service, 159 na bagong kaso ang kanilang naitala kaya’t sumampa na sa 33,975 ang kabuuang bilang ng mga tinamaan ng virus.
Mula sa nasabing bilang ay nasa 1,778 naman ang aktibong kaso subalit patuloy ding nadaragdagan ang mga gumagaling sa sakit na nasa 131 kaya’t sumampa na sa 32,095 ang kanilang total recoveries.
Wala namang naitalang nasawi ngayong araw ang PNP dulot ng COVID-19 kaya’t nananatili naman sa 102 ang kanilang total death toll.— ulat mula kay Jaymark Dagala (Patrol 9)