Pinasesertipikahang urgent ni House Speaker Martin Romualdez kay Pangulong Ferdinand ‘Bongbong’ Marcos Jr. ang pagpapasa ng kontrobersiyal na Maharlika Investment Fund bill.
Ayon kay Romualdez, kung siya ang tatanungin ay mas mabuting sertipikahan agad na urgent ang panukala para matalakay ang pagkakaroon ng sovereign wealth na dumaan sa House of Representatives.
Sinabi naman nito na halos mayorya na ng mga mambabatas ng Kamara ang nagpahayag ng suporta sa panukalang batas.
Matatandaang sa ilalim ng Maharlika Investment Fund bill, mangangalap ng 275 billion pesos mula sa government pension funds at banks na ipapakontrol sa mga eksperto galing sa ibang bansa, para palaguin sa pamamagitan ng investment sa ibang negosyo, bangko, pondo sa ibang kapuluan, features markets at iba pa.
