Yumanig sa Timog Silangan ng Loyalty Islands ang magnitude 7.2 na lindol batay sa ulat ng the European Mediterranean Seismological Centre (EMSC).
Tinatayang nasa 424 km silangan ng Tadine, New Caledonia ang episentro ng lindol na may lalim na 10 km.
Kaugnay nito, pinag-utos ng pamahalaan ng New Zealand na lumikas na ang mga residenteng malapit sa mga dagat at katubigan dahil sa inaasahang pagtaas ng tubig sa karagatan dulot ng lindol.
Ayon naman sa National Emergency Management Agency, inaasahang makararanas ang mga coastal areas ng New Zealand ng malalakas at hindi pangkaraniwang alon.—sa panulat ni Agustina Nolasco
