Nagbitiw na si Baguio City Mayor Benjamin Magalong bilang tracing czar ng bansa dahil sa isyu ng idinaos ng party sa Baguio City sa gitna ng pandemya.
Ito ang kinumpirma ni Presidential Spokesperson, Secretary Harry Roque, pero hindi aniya tinanggap ng COVID-19 Task Force ang pagbibitiw ni Magalong.
BREAKING: Baguio City Mayor Benjamin Magalong, nagbitiw bilang Contact Tracing Czar | via @jaymarkdagala pic.twitter.com/QbKQqtj9M9
— DWIZ Newscenter (@dwiz882) January 29, 2021
Mababatid sa resignation letter ng opisyal, sinabi nito na ang naturang hakbang ay bilang pag-ako sa anumang pagkukulang na hindi anito nagampanan bilang isang opisyal ng COVID-19 task force.
Ito’y lalo na nang dumalo siya sa naturang selebrasyon ng kilalang entertainment personality na si Tim Yap na kitang may ilang health protocols ang nalabag.
Sa huli, giit ng Palasyo, nananatili ang tiwala at kumpiyansa ng pamunuan ng task force kay Magalong.
