Hawak na ng mga awtoridad ang mag-asawang employer ni Joanna Demafelis, ang Overseas Filipina Worker o OFW na natagpuan ang bangkay sa freezer sa isang apartment sa Kuwait.
Inilipat na sa Beirut, Lebanon ang Lebanese national na si Nader Essam Assaf habang nananatili ang asawa nitong si Syrian na si Mona sa Damascus, Syria.
Ang dalawa na umalis ng Kuwait at saglit na humimpil sa Lebanon bago bumiyahe sa kalapit na Syria ay nadakip ng International Police sa tulong ng mga Kuwaiti, Syrian at Lebanese governments.
Hiniling naman ng Lebanon sa Kuwait na isumite ang mga police record ni Assaf.
Samantala, pinapurihan ni Foreign Affairs Secretary Alan Peter Cayetano ang pagkaka-aresto sa mag-asawang nasa likod umano ng pagpatay kay Demafelis.
—-
