Inihayag ng Inter-Agency Council for Traffic (I-ACT) na papaunti ang bilang ng mga nahuhuli sa unang linggo ng implementasyon ng “No Vaxx, No Ride” policy.
Batay sa datos ng I-ACT, mula sa 160 violators noong Lunes, Enero a-17, naging 102 na lang, Martes, Enero a-18, bumaba sa 34 na lang ang nahuli habang walong pasahero na lang ang nasita.
Ayon kay I-ACT Special Operations Unit Commander Jose Manuel Bonnevie, na naging positibo ang pagtanggap ng mga commuter sa polisiya.
Samantala, isinabay na rin ng Philippine National Police (PNP) sa mga COMELEC checkpoints ang pag-iinspeksyon ng mga may dalang vaccination cards sa mga kalsada sa Metro Manila.
