Nasawi ang mag-asawang senior citizen nang masunog ang tinitirhang bahay nito sa Barangay Roxas District , Quezon City nitong Huwebes, Marso 25.
Ayon sa ulat ng Bureau of Fire Protection (BFP), nabagsakan ng sahig na kahoy ang 78 taong gulang na lola at ang asawa nitong 79 na taong gulang na isang bed ridden.
Mula umano sa ika-2 palapag ng bahay ang bumagsak na sahig na kahoy kung saan nakatira ang isa pang pamilya ayon sa BFP.
Samantala , tinatayang aabot sa P3 milyon ang pinsalang dulot ng sunog at patuloy pang tinutukoy ang sanhi nito.— sa panulat ni Agustina Nolasco
