Naging maayos ang daloy ng pagboto sa Sta. Teresita Elementary School sa Bagumbayan, Taguig City.
Inabot ng 30-minuto ang mag-asawang Allan Peter at Lani Cayetano sa pila para makakuha ng balota at karagdagang 15 minuto naman para maisubo ang balota sa vote counting machine.
Bahagyang nagkaaberya nang hindi agad tanggapin ng VCM ang balota ng senador, subalit ito ay tinanggap naman matapos ang dalawang pagtatangka.
Sa kabila nito, kuntento naman ang senador sa naging paghahanda ng COMELEC sa eleksyon.
By Katrina Valle | Cely Bueno (Patrol 19)
