Asahang matatagalan pa bago i-release ang mga bagong plaka na natengga makaraang ibasura ng Commission on Audit (COA) ang apela ng Land Transportation Office (LTO) na tanggalin na ang notice of disallowance.
Inissue ng COA ang notice upang harangin ang P3.8 billion peso contract ng Filipino-Dutch Consortium na PPI-JKG Philippines Incorporated na magsusupply ng mga license plate, noong 2013.
Ayon kay Atty. Leo Romero, isa sa mga legal counsel ng isa sa mga supplier ng LTO, posibleng kahit sa pagtatapos ng termino ni Pangulong Noynoy Aquino sa Hunyo ay hindi pa rin ma-i-release ang mga bagong plaka.
Isa anyang malinaw na pagbaliwala sa konstitusyon kung pagbibigyan ng COA ang hirit ng LTO lalo’t paglabag ito sa probisyon ng Saligang Batas na nagsasabing walang public expenditures ang papahintulutan maliban sa appropriation.
Ipinaliwanag ni Romero na ang tanging solusyon para sa mai-release ang mga bagong plaka ay maghanap ng isa pang supplier.
By Drew Nacino