Patay ang isang barangay administrator at asawa nito matapos tambangan sa Antipolo City kahapon.
Pinagbabaril ng di pa nakikilalang suspek ang biktimang si Domingo Mamaril Jr. at ang asawa nitong si Maribel sa Circumferential Road.
Ayon sa Pulis-Antipolo, kasama din ng mag-asawa ang kanilang anak nang mangyari ang insidente na nakaligtas naman sa pamamaril.
Isang oras aniya bago naka responde ang rescue team at nadala sila sa ospital.
Sinabi din umano ng anak na di pinangalanan ang kaniyang ama na namumuno din sa homeowners’ association sa kanilang subdivision ay plano sanang magsampa ng kaso laban sa mga residenteng hindi nagbabayad ng monthly dues.
Samantala, patuloy namang iniimbestigahan ang motibo sa krimen habang pinag-papaliwanag naman ang rescue team dahil sa matagal nitong pagresponde sa nangyaring insidente.
