Maghahain ng resolusyon si senador Erwin Tulfo para kasuhan ng Department of Justice ang mga kinilalang kontratista ng mga “ghost” at palpak na flood control projects.
Ayon kay senador Tulfo, maraming kumpanya ang kumikita sa pagpaparenta ng kanilang lisensya kapalit ng porsyento sa proyekto kabilang na rito ang Darcy and Anna Builders and Trading at Wawao Builders.
Sa panayam ng DWIZ, tinukoy ni senador Tulfo na hindi lamang mga contractor ang dapat managot kundi pati mga regional director, district engineer, project engineer at politiko na dawit sa katiwalian.
Kaugnay nito, ipinabatid ni senador Tulfo na wala siyang natanggap na kahit na anong donasyon o kontribusyon mula sa mga construction company na nasasangkot sa naturang iregularidad.
