Makararanas ng mas matinding trapiko ang ilang lugar sa Metro Manila, dalawang linggo bago ang araw ng Pasko.
Ayon kay Metropolitan Manila Development Authority (MMDA) chairperson Romando Artes, aabot sa 417,000 ang bilang ng mga sasakyan na dumaraan sa EDSA na mas mataas kumpara sa pre-pandemic na may 405,000 lamang.
Nagbabala pa si Artes na maaring umakyat sa 430,000 ang bilang ng mga sasakyan sa EDSA kaya pinayuhan ang mga pasahero na maglaan ng hindi bababa sa dalawang oras sa kanilang pagbiyahe dahil sa trapiko.
Samantala, ang iba pang lugar na nakararanas ng gridlock ay ang Mindanao Avenue, Marcos Highway, Katipunan, Quezon Avenue, at España. —sa panulat ni Jenn Patrolla
