Nakapagtala ng zero Covid-19 case nitong November 14 at 16 ang lungsod ng Mabalacat sa Pampanga.
Ayon kay Dr. Jose Antonio Rivera, Special Assistant for Covid-19 response ng lungsod, nakatulong ang covid-19 vaccination drive ng lungsod upang makamit ito.
Halos isang linggo na ring walang naitatalang kaso ng virus sa barangay Mabiga sa naturang siyudad.
Sinabi ng mga opisyal ng barangay na nasa siyamnapung porsyento na ng kanilang mga residente ang nabakunahan na kontra Covid-19.
Ang mga lumalabag sa health protocols sa lugar ay pinagsasabihan at pinapatawan ng kaukulang parusa.
Mahigpit ring ipinatutupad ang curfew na mula alas diyes ng gabi hanggang alas singko ng umaga. —sa panulat ni Hya Ludivico
