Nakawala ang mababangis na hayop sa isang zoo sa Western Germany matapos ang naranasang pagbaha sa lugar dulot ng tumamang bagyo.
Kabilang nakawalang hayop ang dalawang leon, dalawang tigre, isang jaguar at isang oso.
Agad namang naglunsad ng massive search ang mga awtoridad na kinabibilangan ng mga pulis, bumbero at mga beterinaryo.
Sa pamamagitan ng drone, natagpuan sa compound ng zoo ang mga leon, tigre at jaguar habang ang nakalabas na oso naman ay nabaril at namatay.
Batay sa pinakahuling report, naibalik na ngayon sa kanilang mga kulungan ang mga nakalabas na hayop ng tatlumpung ektaryang zoo.
—-
