Pormal nang inilunsad ng pamunuan ng Land Transportation Office (LTO) ang bagong tayo nitong district office sa Imus sa Cavite.
Mababatid na ang naturang pagpapasinaya sa bagong field office ng ahensya ay pinangunahan nina Transportation Secretary Arthur Tugade at LTO chief Asec. Edgar Galvante.
Dahil dito, ayon sa mga opisyal ng ahensya ay makapagbibigay serbisyo ito sa publiko partikular sa lahat ng mga LTO mandated requirements gaya ng aplikasyon at renewal ng driver’s license at iba pa.
Bukod pa rito, inaasahan din na ang bagong tayong field office ay makatutulong sa mga magpupunta rito dahil sa pinaigting na features at operational capacity sang-ayon sa nais ng pamahalaan na ease of doing business at transparency.
