Love triangle ang tinututukang anggulo ng pulisya sa posibleng motibo sa pamamaril at pagpatay sa isang fliptop rapper sa Imus, Cavite.
Ayon sa Imus City PNP, nakaupo sa kanyang motorsiklo ang biktimang si John Ross Delos Santos o mas kilala bilang ‘Lil John’ nang barilin ito sa ulo ng hindi pa nakikilalang gunman.
Sinasabing hinihintay ng biktima ang kasamang babae na bumibili ng pagkain sa isang tindahan.
Batay pa sa imbestigasyon, ang biktima ay nasa lugar malapit sa tinitirahan ng sinabing girlfriend at live in partner nito.
Kaugnay nito, ipatatawag ng pulisya ang asawa at live in partner ng biktima para mahingan ng pahayag.
