Nagpasya ang pinuno ng committee on environmental and natural resources ng commission on appointments na si Senador Manny Pacquiao na igrupo sa lima ang mga natitirang kontra sa kumpirmasyon ni DENR Secretary Gina Lopez at pagsalitain sila nang sunud-sunod bago pasagutin ang kalihim.
Sa pagharap ni Lopez sa kanyang mga oppositor sa confirmation hearing niya sa commission on appointments, inihayag niya na mayroon siyang limang undersecretary at pitong assistant secretary dahil wala aniyang kakayahan ang mga tauhan ng DENR na gawin ang kanyang mga gusto para sa departamento.
Ngunit sinabi ni Lopez na walang floating personnel dahil may assignment ang lahat sa DENR.
Ayon kay Lopez, nangako siya kay Pangulong Rodrigo Duterte na lilinisin ng kalihim ang ahensya.
By Avee Devierte |With Report from Cely Bueno
