Ikinakilig ng ‘LizQuen’ fans ang sweet moments ng magka-loveteam na sina Liza Soberano at Enrique Gil sa England.
Sa post ni Liza, makikita sa larawan na nakangiting magkaharap ang dalawa sa gitna ng napakahabang daan na may caption na: Forever? Forever.
Si Gil naman ay nagpost ng isang larawan na magkahawak ang kanilang kamay ni Liza at may caption na: Road to Forever. 
Kinunan ang larawan sa Fountains Abbey sa Ripon, England.
Kasalukuyang nasa Europa ang on screen partners para sa ilang shows at nakatakda ring mag-shoot ng ilang scenes sa Italya para sa primetime series nitong ‘Dolce Amore’.
Matatandaang una nang sinabi ni Gil sa isang interview na parang ‘couple’ na rin sila ni Liza ngunit kailangan niya munang igalang ang pamilya ng dalaga.
Ibinahagi rin ng aktor bago umalis nitong Biyernes na medyo cool daw sila ng daddy ni Liza.
Photos: Screengrab from enrique gil and liza soberano’s/ Instagram
