Nanawagan ang isang opisyal ng World Health Organization (WHO) sa iba’t-ibang mga bansa na huwag nang magpatupad ng ‘lockdown’ para mapigilan ang banta ng COVID-19 pandemic.
Ayon kay Dr. David Navarro, special envoy ng COVID-19 ng WHO, ang tanging oras lang na magandang magpatupad ng ‘lockdown’ ay kung nais ng isang pamahalaan na protektahan ang mga frontline health workers nito at magkaroon ng sapat ng oras para pag-aralan ang mga bagay-bagay para epektibong matugunan ang pandemya.
Binigyang diin din ni Navarro, na may negatibong epekto rin ang pagsasailalim ng mga bansa sa ‘lockdown’, gaya ng pagbagsak ng turismo, paglala ng kahirapan at iba pa.
Mababatid na ang Pilipinas, ang may pinakamahabang lockdown sa mundo, na inumpisahang ipatupad noong Marso nang sumirit ang kaso ng nakamamatay na virus.
