Nagpatupad ng lockdown ang Department of aAgriculture (DA) sa walong barangay ng Don Marcelino, Davao Occidental dahil sa african swine flu (ASF).
Ayon kay Agriculture Secretary William Dar, layon nito na walang makapasok at lalong walang makalalabas na karne ng baboy sa walong barangay ng Don Marcelino.
Sinabi ni Dar na sa 13,000 populasyon ng baboy sa Don Marcelino, nasa 1,000 ang ibinaon sa lupa dahil sa ASF.
Upang matiyak naman ang kaligtasan ng mga customers sa San Marcelino, pumayag anya ang lokal na pamahalaan na bilhin ang lahat ng baboy na hindi naapektuhan ng ASF.
Samantala, pito pang barangay sa bayan naman ng Malita sa Davao Occidental din ang under surveillance.
Sinabi ni Dar na iniimbestigahan na rin nila kung paano nakaabot ang ASF sa isang isolated coastal town na tulad ng Don Marcelino.
Kumbinsido si Dar na kaya mahirap mawala sa Pilipinas ang ASF ay dahil sa smuggling.
