Inilabas na ng Department of Trade and Industry – Bureau of Philippine Standards (DTI-BPS), ang listahan ng mga Christmas lights na sertipikado ng Philippine Standard at Import Commodity Clearance.
Ang dalawang ahensiyang ito ang responsable sa pagtiyak na ligtas ang mga produktong gamitin ngayong Holiday season.
Dahil dito ipinayo sa mga consumers ni Leah Ann Arella, assistant chief engineer at Officer-In-Charge ng BPS na bumili lamang ng mga Christmas lights na may PS mark o ICC sticker.
Maaaring maberipika ng mga bumibili ang pagiging authentic ng produkto, sa pamamagitan ng ICC verification app at i-scan ang ICC stickers ng nasabing produkto.
