Aabot sa 170,000 na pasahero ang inaasahang dadagsa sa Parañaque Integrated Terminal Exchange (PITX) sa pagtatapos ng long holiday weekend.
Ayon kay PITX Corporate Affairs and Government Relations Chief Jason Salvador, inaasahan nila na patuloy na dadagsa ang mga biyahero na uuwi sa kanilang mga tahanan ngayong tapos na ang pagdiriwang ng pasko at bagong taon.
Aniya, nasa 123,000 na pasahero ang naitala sa PITX noong linggo lamang.
Sinabi pa ni Salvador, na posibleng mas tumaas pa ang bilang na kanilang maitatala bukas, Enero 3 dahil simula na ng bagong linggo ng trabaho.
Ibinahagi pa ni Salvador na nakapagtala sila ng pinakamataas na bilang ng mga pasahero nuong December 26 na may 192,000 at nuong bisperas ng pasko na humigit kumulang sa 93,000 na pasahero ang dumating sa PITX.
