Perfect,”
Ganyan inilarawan ni Foreign Affairs Secretary Teodoro Locsin Jr. sa relasyon ng Pilipinas sa Estados Unidos.
Ito ay sa kabila ng pagsusulong ng U.S. Senate sa isang resolusyon hinggil sa travel ban ng mga opisyal ng pamahalaan na sangkot sa pagpapakulong kay Senadora Leila De Lima.
Ayon sa kalihim, mayroong karapatan ang U.S. sa mga naturang probisyon.
Sa kabila nito ay iginiit pa rin ni Locsin na legal ang ginawang pagkulong sa senadora.
