Aarangkada na ang libreng-sakay ng line trail transit 2 o LRT-2 para sa Persons With Disabilities o PWDs sa Lunes o araw ng eleksyon.
Ayon sa Light Rail Transit Authority o LRTA, ito ay magsisimula ng alas-5 ng madaling araw hanggang alas- 8:30 ng gabi sa Antipolo Station at alas-9 ng gabi sa Recto Station.
Para makasakay ng libre sa tren, kailangan lamang magpakita ng PWD I.D sa security o station personnel pagpasok sa automatic fare collection system gates.
Samantala, inisyatiba ng Department of Transportation o DOTr sa pamamagitan ng task force on disability affairs ang libreng-sakay para mapabilis ang pagbiyahe ng mga PWD sa araw ng halalan.