Niyanig ng magkasunod na lindol ang lalawigan ng Leyte kaninang umaga.
Ayon sa PHIVOLCS, unang naramdaman ang magnitude 3.8 na lindol kaninang ala 5:32 ng umaga.
Naitala ang epicenter nito sa layong walong kilometro hilagang kanluran ng Calubian, Leyte at may lalim na anim na kilometro.
Habang naitala naman ang magnitude 3.2 na lindol kanilang ala 6:13 ng umaga.
Nakita ang epicenter nito sa layong tatlong kilometro hilagang silangan ng Calubian at may lalim na 13 kilometro.
Kapwa walang inaasahang aftershock ang PHIVOLCS sa mga nabanggit na lindol.
