Kinumpirma ng isa sa mga nakaligtas sa pagbulusok ng Leomaric bus sa bangin sa Carranglan, Nueva Ecija, na overloaded ang kanilang sinakyang bus.
Sinabi ni Ian Fernandez na marami ang nakatayo sa gitna ng bus noong panahon na iyon at mabagal pa ang takbo ng bus noong ito ay nagka problema.
Mayroon aniyang nagsabi sa driver na ibunggo nalang ito sa bundok pero hindi ito nakinig.
Sa huling tala ng Office of Civil Defense Region 2, nasa 35 na ang nasawi sa naturang trahedya, habang nananatiling naka confine sa Veterans Regional Hospital sa Bayombong, Nueva Vizcaya ang 28 pasahero.
By: Katrina Valle
