Naglatag ng kundisyon si Camarines Sur Representative Leni Robredo bago pumayag na tumakbong Vice President ni Liberal Party standard bearer Mar Roxas.
Ayon kay Robredo, tatakbo lamang siyang Bise Presidente kung wala nang iba na puwedeng umako sa reponsibilidad.
Sinabi ni Robredo na hanggat wala pang announcement si Senador Grace Poe ay hindi pa sila nawawalan ng pag-asa na papayag itong maging running mate ni Roxas.
Sakali naman aniya na magpasyang tumakbong Presidente si Poe, nariyan pa rin ang ibang puwedeng maging running mate ni Roxas tulad nina Senador Allan Peter Cayetano at maging si Justice Secretary Leila de Lima.
Sa nakalipas na tatlong taon anya ng panunungkulan nya bilang kinatawan ng camarines sur…kahit minsan ay hindi pumasok sa kanyang isipan ang tumakbo sa mas mataas na posisyon.
By Len Aguirre
